Samsung និង LG និយាយថាគ្មានគំនិតដូច Apple
តាមរយៈអ៊ីមែល Samsung បាននិយាយថា ៖ "ពួកយើងមិនបន្ថយល្បឿន CPU តាមរយៈការអាប់ដេតSoftware លើស្មាតហ្វូនដែលមានអាយុកាលយូរនោះទេ”។ ក្រុមហ៊ុន LG ក៏បានឆ្លើយតបស្រដៀងគ្នានេះថា ៖ "មិនដែលមាន ហើយក៏នឹងគ្មានដែរ! យើងតែងយកចិត្តទុកដាក់លើការយល់ឃើញរបស់អតិថិជនយើងជានិច្ច”។
ការឆ្លើយតបខាងលើនេះ អាចចាប់ផ្ដើមបញ្ជាក់ថា ក្នុងសហគ្រាសទូរសព្ទនេះមានតែ Apple ប៉ុណ្ណោះដែលបានអនុវត្តន៍វិធីសាស្ត្របន្ថយល្បឿនទូរសព្ទដែលមានថ្មចាស់ៗ។ យ៉ាងណាក្ដី Apple បានបកស្រាយម្ដងហើយម្ដងទៀតថា ការធ្វើបែបនេះដើម្បីឲ្យ iPhone ដែលមានថ្មចាស់អាចប្រើបានយូរដូចមុន ទោះបីជាថាមពលថ្មមិនសូវកាន់ដូចមុនក្ដី។ ក្រុមហ៊ុនយក្សអាមេរិកនេះ ក៏បានចេញសារសុំទោសអតិថិជនរបស់ខ្លួនកាលពីម្សិលមិញ ចំពោះការបន្ថយល្បឿននេះ ហើយបានបញ្ចុះតម្លៃលើការប្ដូរថ្មថ្មីពី ៧៩ ដុល្លារ មកនៅត្រឹម ២៩ ដុល្លារប៉ុណ្ណោះ៕
No comments